Wednesday, September 29, 2010


-ಹಳಿಗಳ ಮೇಲೆ ಹೆಣವಾಯಿತು ಗಜ ಪಡೆ-
.ಸೆಪ್ಟೆಂಬರ್ 22 ರಾತ್ರಿ ಪಶ್ಚಿಮ ಬಂಗಾಳದ
Binnaguri ಹಾಗು Banarhat ರೈಲ್ವೆ stations ವ್ಯಾಪ್ತಿಯಲ್ಲಿ 7 ಆನೆಗಳು ವೇಗವಾಗಿ ಚಲಿಸುತ್ತಿದ್ದ ಗೂಡ್ಸ್ ರೈಲಿಗೆ ಸಿಕ್ಕಿ ದಾರುಣವಾಗಿ ಮೃತಪಟ್ಟಿವೆ
.ಹಳಿಗಳನ್ನು ದಾಟುತ್ತಿದ್ದ ಆನೆಗಳ ಹಿಂಡ್ಡಿನಲ್ಲಿದ್ದ ಎರಡು ಮರಿ ಆನೆಗಳ ಕಾಲುಗಳು ಹಳಿಗಳ ನಡುವೆ ಸಿಕ್ಕಿ ಹಾಕಿಕೊಂಡಿದೆ.ಅದನ್ನು ಬಿಡಿಸಲು ಉಳಿದ ಆನೆಗಳು ಪ್ರಯತ್ನ ಪಡುತ್ತಿದ್ದ ಸಂದರ್ಭದಲ್ಲಿ ವೇಗವಾಗಿ ಬಂದ ಗೂಡ್ಸ್ ರೈಲು ಆನೆಗಳಿಗೆ ಹೊಡೆದ ಪರಿಣಾಮ 7 ಆನೆಗಳು ಮೃತಪಟ್ಟಿವೆ
.ರೈಲ್ವೆ ಇಲಾಖೆ ಅದಿಕಾರಿಗಳ ಪ್ರಕಾರ ಅವರಿಗೆ ಅಂದು ಆನೆಗಳ ಹಿಂಡು 'denotified' area ದಲ್ಲಿ ಸಂಚರಿಸುತ್ತಿದ್ದ ಬಗ್ಗೆ ಅರಣ್ಯ ಇಲಾಖೆ ಅಧಿಕಾರಿಗಳಿಂದ ಯಾವುದೇ ಮಾಹಿತಿ ಇರಲಿಲ್ಲ
.ಸಾಧಾರಣವಾಗಿ notified forested areaಅಥವಾ elephant corridor ಗಳಲ್ಲಿ ರೈಲುಗಳು ನಿಧಾನವಾಗಿ,ಹಾಗು ಪ್ರಾಣಿಗಳಿಗೆ ಎಚ್ಚರಿಕೆ ನೀಡಲು whistle ಮಾಡುತ್ತಾ ಸಂಚರಿಸುತ್ತವೆ
.ಈ ೭ ಆನೆಗಳಿಗೆ ಹೊಡೆದ ಗೂಡ್ಸ್ ರೈಲು 70km/h ಗಿಂತಲೂ ವೇಗವಾಗಿ ಚಲಿಸುತ್ತಿತ್ತು
.ರೈಲ್ವೆ ಇಲಾಖೆ ಅಧಿಕಾರಿಗಳು ಹೇಳುವ ಪ್ರಕಾರ ನಾವು 2 ದಿನಗಳ ಹಿಂದೆಯೇ ಅರಣ್ಯ ಇಲಾಖೆಗೆ ಅನೆಗಳ ಹಿಂಡು ಆ ಪ್ರದೇಶದಲ್ಲಿ ಸಂಚರಿಸುತ್ತಿರುವುದರ ಬಗ್ಗೆ ಮಾಹಿತಿ ನೀಡಿದ್ದೇವೆ,ಆದರೆ ಅವರು ಕ್ರಮ ಕೈಗೊಳಲ್ಲಿಲ್ಲ ಎಂದು
.ಇದೇ ಪ್ರದೇಶದಲ್ಲಿ 3 ತಿಂಗಳ ಹಿಂದೆ ರೈಲು ಹೊಡೆದ ಪರಿಣಾಮ 1 ಆನೆ ಮೃತಪಟ್ಟಿತ್ತು
.ಒಟ್ಟಿನಲ್ಲಿ ರೈಲ್ವೆ ಇಲಾಖೆಯ ತಪ್ಪೋ ಅಥವಾ ಅರಣ್ಯ ಇಲಾಖೆಯವರ ತಪ್ಪೋ..7 ಆನೆಗಳ ಜೀವವಂತೂ ಹೊರಟು ಹೋಗಿದೆ
.1987 ರ ನಂತರ ಭಾರತದಲ್ಲಿ ಇದುವರೆಗೂ 150 ಕ್ಕೂ ಹೆಚ್ಚು ಆನೆಗಳು ಈ ರೀತಿಯ ರೈಲು ಅಪಘಾತದಿಂದ ಮೃತ ಪಟ್ಟಿವೆ
.ಇನ್ನಾದರೂ ಕೇಂದ್ರ ಪರಿಸರ ಮತ್ತು ಅರಣ್ಯ ಇಲಾಖೆ ಹಾಗು ಕೇಂದ್ರ ರೈಲ್ವೆ ಇಲಾಖೆ ಈ ತರಹದ ಅಪಘಾತಗಳನ್ನು ತಡೆಯುವ ನಿಟ್ಟಿನಲ್ಲಿ ಕಠಿಣ ಕಾನೂನನ್ನು ಜಾರಿಗೆ ತರಬೇಕಿದೆ
.ಇದು ಆನೆಗಳ ವಿಷಯವಾದ್ದರಿಂದ ಪ್ರಪಂಚದಾದ್ಯಂತ ಸುದ್ದಿ ಮಾಡಿದೆ.ಆದರೆ ಇದೇ ರೀತಿ ದಿನ ನಿತ್ಯ ಎಷ್ಟೋ ಸಣ್ಣ ಪುಟ್ಟ ಪ್ರಾಣಿಗಳು ರೈಲ್ವೆ ಹಳಿಯಲ್ಲೋ,ರಸ್ತೆಯಲ್ಲೋ ಅಪಘಾತದಿಂದಾಗಿ ತಮ್ಮ ಪ್ರಾಣ ಕಳೆದುಕೊಳ್ಳುತ್ತಿವೆ.ಇವನೆಲ್ಲ ಕೇಳುವವರು ಯಾರು?
.ಅಮಾಯಕ ಪ್ರಾಣಿಗಳು ಮಾನವನ ಚಟುವಟಿಕೆಗಳಿಂದ ತಮ್ಮ ಪ್ರಾಣ ಕಳೆದುಕೊಳ್ಳುವುದು ಎಷ್ಟು ಸರಿ?
(ವಿಶೇಷ ಸೂಚನೆ –ಕೆಳಗಿನ ಚಿತ್ರಗಳು ನಿಮ್ಮ ಕೋಮಲ ಮನಸ್ಸಿನ ಭಾವನೆಗಳನ್ನು ಘಾಸಿಗೊಳಿಸಬಹುದು...ಆದ್ದರಿಂದ ಈ ಚಿತ್ರಗಳನ್ನು ನೋಡದಿರುವುದೇ ಒಳಿತು)


-ರೈಲು ಅಪಘಾತದಲ್ಲಿ ಮೃತಪಟ್ಟ ಕೆಲವು ಆನೆಗಳ ಚಿತ್ರ-






IMAGES COURTESY-1.wildlifetrustofindia.org,2,3.thehindu.com.,4.infostreams.blogspot.com,5.elephantfamily.org


Share this post with your friends

Bookmark and Share

Monday, September 27, 2010

-ನೀವು ಹೇಳಿದ್ದು ನಾವು ಕೇಳಿದ್ದು-


.ನನ್ನ ಬ್ಲಾಗಿನ ಓದುಗ ಮಹಾಶಯರಿಗೆ ನಮಸ್ಕಾರಗಳು

.ನನ್ನ ಇಂದಿನ ಪೋಸ್ಟ್ ONCE AGAIN ನಮ್ಮ ಕಿಂಗ್ ಗೆ ಸಂಬಂಧ ಪಟ್ಟಿದ್ದು

.ನಮ್ಮ ಜನಗಳಲ್ಲಿ ಕಿಂಗ್ ನ ಬಗ್ಗೆ ಇರುವ ತಪ್ಪು ಕಲ್ಪನೆಗಳ ಬಗ್ಗೆ ಈ ಪೋಸ್ಟ್

.ಸಾಮಾನ್ಯವಾಗಿ ಕಿಂಗ್ ಮನೆ ಹತ್ತಿರ ಬಂದಿದೆ ಎಂದರೆ ಆ ಮನೆಯವರು ಬಹಳ ಭಯಕ್ಕೊಳಗಾಗುತ್ತಾರೆ 

.ಕಿಂಗ್ ಮನೆಗೆ ಬಂದಿದೆ ಎಂದರೆ ಆ ಮನೆಗೆ ಏನೋ ಗ್ರಹಚಾರ ಕಾದಿದೆ ಎಂದು ತಿಳಿಯುತ್ತಾರೆ

.ಅವರ ಮನಸ್ಸಿನಲ್ಲಿ ಕಿಂಗ್ ಅಂದರೆ ಬೇರೆ ಹಾವುಗಳಿಗಿಂತ ಭಯ ಜಾಸ್ತಿ

.ಅವರ ರೀತಿಯಲ್ಲೇ ಹೇಳುವುದಾದರೆ ಕಿಂಗ್ ನಮ್ಮನ್ನು ಓಡಿಸಿಕೊಂಡು ಬಂದು ಕಚ್ಚುತ್ತದೆ ಅದು ದೂರದಿಂದಲೇ ವಿಷವನ್ನು ನಮ್ಮ ಮೇಲೆ ಎಸೆಯುತ್ತದೆ,ಅದು ಕಚ್ಚಿದರೆ ಸಾವು ಗ್ಯಾರಂಟಿ.....

.ಕೆಲವರು ಇರುತ್ತಾರೆ ಅವರ ಪ್ರಕಾರ ಕಿಂಗ್ ಮನೆ ಹತ್ತಿರ ಬಂದಿದೆ ಎಂದರೆ ಅದು ಯಾರಿಗೋ ಕಚ್ಚಲೆಂದೇ ಬಂದಿದೆ ಎಂದು ಹೇಳಿ ಇದ್ದ ಜನರನೆಲ್ಲಾ ಗಾಭರಿಗೊಳಿಸುತ್ತಾರೆ

.ಜನರು ಒಳ್ಳೆಯದನ್ನ ಬೇಗ ನಂಬೋದಿಲ್ಲ,ಆದರೆ ಕೆಟ್ಟದನ್ನ ನಾ ಮುಂದು,ತಾ ಮುಂದು ಎಂದು ನಂಬಿಬಿಡುತ್ತಾರೆ

.ಕೆಲವು ಜನರು  ಕಿಂಗ್ ಬಗ್ಗೆ  ಹೇಳುವುದನ್ನು ಕೇಳಿದರೆ ನಗಬೇಕೋ,ಅಳಬೇಕೋ ತಿಳಿಯುವುದಿಲ್ಲ

.ಜುಟ್ಟು ಕಾಳಿಂಗ ಅಂತ ಇದೆಯಂತೆ .ಅದು ಜುಟ್ಟಿನಲ್ಲೇ ಮನುಷ್ಯರಿಗೆ  ಹೊಡೆದು ಸಾಯಿಸುತ್ತದೆಯಂತೆ

.ಇನ್ನು ಕೆಲವರ ಪ್ರಕಾರ ಸೀಟಿ ಕಾಳಿಂಗ ಅಂತ ಇದೆಯಂತೆ,ನೀವು ಕಾಡಿಗೆ ಹೋಗಿ ಸೀಟಿ ಹೊಡೆದರೆ ನಿಮ್ಮನ್ನು ಓಡಿಸಿಕೊಂಡು ಬರುತ್ತದೆಯಂತೆ

.ನಾವು ಚಿಕ್ಕವರಿದ್ದಾಗ ಇದನೆಲ್ಲ ನಂಬುತ್ತಿದ್ದೆವು,ಆಗ ಕಾಳಿಂಗ ಸರ್ಪ ಎಂದರೆ ಗಡ,ಗಡ...
.
.ಎಲ್ಲೊ ಕಾಡಿನ ಮದ್ಯೆ ಒಂಟಿಯಾಗಿ ನಡೆದು ಹೋಗುತ್ತಿದ್ದರೆ ಅದೇ ಜುಟ್ಟು ಕಾಳಿಂಗ,ಸೀಟಿ ಕಾಳಿಂಗ ಇವರೆಲ್ಲ ಕಣ್ಣ ಮುಂದೆ ಬಂದು ಬಾಯಲ್ಲಿ ರಾಮ ನಾಮ ಹೇಳುವಂತೆ ಮಾಡುತ್ತಿದ್ದವು

.ಇನ್ನು ಕೆಲವು ಅತಿಯಾಗಿ ತಲೆ ಓಡಿಸುವವರ ಪ್ರಕಾರ ಕಿಂಗೆ ಗೆ 10 ತಲೆ ಇರುತ್ತದಂತೆ ,ಸಿಟ್ಟು ಬಂದಾಗ 10 ತಲೆ ಪ್ರದರ್ಶನ ಮಾಡುತ್ತದಂತೆ

.ಹಾವಿನ ದ್ವೇಷ 12 ವರುಷ ಬಹಳ ಪ್ರಸಿದ್ದಿ ಮಾತಿದು...ಇದು ನಮ್ಮ ಕಿಂಗ್ ಗೆ ಕೂಡ ಅನ್ವಯಿಸುತ್ತದೆ

.ಒಟ್ಟಿನಲ್ಲಿ ನಮ್ಮ ಕಿಂಗ್ ಅನ್ನು ವಿಲನ್ ಮಾಡಲು ಏನೇನು ಕತೆ ಮಾಡಬೇಕೋ ಅದನ್ನೆಲ್ಲಾ ಮಾಡುತ್ತಾರೆ ನಮ್ಮ ಜನ

.ಆದರೆ ಯಾವುದೋ  ಒಂದು ರೀತಿಯಲ್ಲಿ ಜನರ ಈ ಕಾಗಕ್ಕ ಗುಬ್ಬಕ್ಕ ಕತೆಗಳು ಕಿಂಗ್ ಗೆ  ಕೆಲವೊಮ್ಮೆ ವರವಾಗಿ ಪರಿಣಮಿಸುತ್ತದೆ ,ಏಕೆಂದರೆ ಜನ ಕಿಂಗ್ ಅನ್ನು ವಿಲನ್ ರೀತಿಯಲ್ಲಿ ನೋಡುವುದರಿಂದ ಅದರ ತಂಟೆಗೆ ಹೋಗಲು ಹೆದರುತ್ತಾರೆ,ಮನೆ ಹತ್ತಿರ ಬಂದರೆ ಅದಕ್ಕೆ ಏನು ಮಾಡದೆ ಹಾವು ಹಿಡಿಯುವ ಜನರನ್ನು ಕರೆಯುತ್ತಾರೆ..SO ಕಿಂಗ್ ಸೇಫ್ ಆಗ್ತಾನೆ

.BUT ಜನರ ಈ  ಮೂಢ ನಂಬಿಕೆಗಳಿಂದ ಕಿಂಗ್ ಗೆ ರಕ್ಷಣೆಗಿಂತ ಅಪಾಯವೇ ಜಾಸ್ತಿ.. ಕಿಂಗ್ ಅನ್ನು ಹಿಡಿಸುವ ನೆಪದಲ್ಲಿ ಅವರು ಮಾಡುವ ಗಲಾಟೆ,ಕಿಂಗ್ ಅನ್ನು ನೋಡುವ ಕುತೂಹಲದಲ್ಲಿ ಸೇರುವ ಜನ ಸಾಗರ,ಇದರಿಂದ ಉತ್ಸಾಹ ಬಂದು ಕೆಲವು ಹಾವು ಹಿಡಿಯುವವರು ಕಿಂಗ್ ಮೇಲೆ ತಮ್ಮ ಬಲ ಪ್ರಯೋಗ ಮಾಡುವುದು...ಹೀಗೆ ನಮ್ಮ ಕಿಂಗ್ ಬಹಳ ತೊಂದರೆಗೊಳಗಾಗುತ್ತಾನೆ

.ನಾನು ಜನಗಳನ್ನು ದೂರುತ್ತಿಲ್ಲ.ಪಾಪ ಕಿಂಗ್ ಬಗೆಗಿನ ಕತೆಗಳು ಅವರಿಗೆ ವಂಶ ಪಾರಂಪರ್ಯವಾಗಿ ಬಂದಿರುತ್ತದೆ

.ಜನರ ಮನಸ್ಸಿನಲ್ಲಿ ಹೆಮ್ಮರವಾಗಿ ಬೆಳೆದಿರುವ ಈ ಕತೆಗಳನ್ನು ನಾವು ಬುಡ ಸಮೇತ ಕಿತ್ತೊಗೆಯಬೇಕಿದೆ..

.ಕಿಂಗ್ ಅಂದ್ರೆ ಏನು,ಅವನು ಎಷ್ಟು ಒಳ್ಳೆಯವನು,ಅವನ ಜೀವನ ವಿಧಾನ ಹೇಗೆ,ಅವನು ಅನಭವಿಸುತ್ತಿರುವ ತೊಂದರೆಗಳು ಏನು...ಹೀಗೆ ಇವುಗಳ ಬಗ್ಗೆ ಜನರಲ್ಲಿ ಅರಿವು ಬೆಳೆಸಿದರೆ ಆಗ ಅವರ ಮನಸ್ಸಿನಲ್ಲಿ ನಮ್ಮ ಕಿಂಗ್ ಹೀರೋ ಆಗಿ ಮೆರೆಯುತ್ತಾನೆ

.If you plan for one year, plant rice.If you plan for ten years,plant trees,If you plan for one hundread years ,educate the people ಎಷ್ಟು ಸತ್ಯದ ಮಾತಲ್ಲವೇ.........

.ನಶಿಸುತ್ತಿರುವ ಕಿಂಗ್ ನ ಸಂತತಿ ಯನ್ನು ಉಳಿಸಲು ಇಂದು ಜನರಲ್ಲಿ ಕಿಂಗ್ ಬಗ್ಗೆ ತಿಳುವಳಿಕೆಯನ್ನು ನೀಡಬೇಕಾಗಿದೆ

.ಪ್ರಕೃತಿಯ ಒಬ್ಬ ಸುಂದರವಾದ ಜೀವಿಯ ರಕ್ಷಣೆ ನಮ್ಮೆಲ್ಲರ ಹೊಣೆ..ಈ ಭೂಮಿ ನಮಗೆ ಹೇಗೆ ಮನೆಯೋ ಹಾಗೆ ಅವನಿಗೂ ಇದು ಮನೆ.. ಅವನನ್ನು ಮನೆಯಿಂದ ಹೊರಗೆ ಕಳಿಸುವ ಹಕ್ಕು ನಮಗಿಲ್ಲ.....

.ಇಷ್ಟೆಲ್ಲಾ ಓದಿದ ಮೇಲೂ.ಕಿಂಗ್ ಬಗ್ಗೆ ತಿಳಿದ ಮೇಲೂ....ನಾಳೆ ನಿಮ್ಮ ಮಗ ಅಥವಾ ಮಗಳು ಅಪ್ಪ ಕಿಂಗ್ ಅನ್ನು ನೋಡಬಾರದಂತೆ,ಜುಟ್ಟು ಕಾಳಿಂಗ,ಸೀಟಿ ಕಾಳಿಂಗ ಬಂದು ಕಚ್ಚುತವೆಯಂತೆ..ಅದನ್ನು ಹೊಡೆದು ಓಡಿಸು ಎಂದು ಹೇಳಿದರೆ ಅದಕ್ಕೆ ನೀವೇ ಜವಾಬ್ದಾರರು......................

-ತಿಳಿಯಿರಿ,ತಿಳಿಸಿರಿ,ಕಿಂಗ್ ಅನ್ನು ಉಳಿಸಿರಿ-

Image courtesy-Dinesh.jk,Adithya.bm

Share this post with your friends

Bookmark and Share

Friday, September 24, 2010

-ಪ್ರಕೃತಿಯ ಸೊಬಗು MALSHEJ GHAT -

.MALSHEJ GHAT -ಪ್ರಕೃತಿ ಸೌಂದರ್ಯದಿಂದ ಕೂಡಿದ ಈ ತಾಣವಿರುವುದು ಪುಣೆಯಿಂದ 120 km ದೂರದಲ್ಲಿ


Share this post with your friends
Bookmark and Share

Thursday, September 23, 2010

-OPERATION ಕಿಂಗ್  'K '-
.ನಮ್ಮ  ಬ್ಲಾಗ್ನಲ್ಲಿ 'ಕಿಂಗ್ ಇನ್ ಮೈ ಹೋಂ' post ಮಾಡಿ 3 ದಿನದ ಒಳಗೇನೆ ಮತ್ತೊಮ್ಮೆ ಕಿಂಗ್ ನಮ್ಮ ಕಣ್ಣಿಗೆ ಬಿದ್ದಿದ್ದಾನೆ 

.ಈ ಸರಿ ಕಿಂಗ್ ನಮಗೆ ದರ್ಶನ ಕೊಟ್ಟಿದ್ದು ನಮ್ಮ ಊರ ಸಮೀಪವಿರುವ ಸೂರ್ಳಿ ಎಂಬಲ್ಲಿ 

.ಇಲ್ಲಿನ ಸತೀಶ್ ಎಂಬುವರ ಮನೆಯ ಕೊಟ್ಟಿಗೆಯಲ್ಲಿ ಕಿಂಗ್ ಬೇಟೆಯನ್ನರಸುತ್ತ ಬಂದಿದ್ದ 

.ಕಿಂಗ್ ಅನ್ನು ನೋಡಿ ಗಾಬರಿಗೊಂಡ ಅವರ ಮನೆಯವರು ಹಾವು ಹಿಡಿಯುವ 'ಜಾನಿ'  ಎಂಬುವರಿಗೆ ಕರೆ ಮಾಡಿ ವಿಷಯ ತಿಳಿಸಿದರು

.ನಾವು (ನಾನು,ದಿನೇಶ್) ವಿಷಯ ತಿಳಿದು  ಅವರ ಮನೆಗೆ ಹೋದಾಗ  ಸಮಯ 4.30pm

.ನಾವು ಅಲ್ಲಿಗೆ ಹೋದಾಗ ನೋಡಿದ ದೃಶ್ಯ ನಮಗೆ ಒಂದು ಕ್ಷಣ ಗಾಬರಿಯನ್ನು ಉಂಟು ಮಾಡಿತು.ಏಕೆಂದರೆ ಜನರ ಗಲಾಟೆಗೆ ಬೆದರಿ ಕಿಂಗ್ ಅಲ್ಲೇ ಇದ್ದ ಕಟ್ಟಿಗೆಗಳ ಸಂದಿಯಲ್ಲಿ ಅಡಗಿ ಕುಳಿತಿದ್ದ.ಅವನ ತಲೆ ಕಟ್ಟಿಗೆಗಳ ಸಂದಿಯಲ್ಲಿದ್ದರೆ ಇತ್ತ ಕಡೆ ಜಾನಿ ಮತ್ತು ಇನ್ನೊಬ್ಬರು ಅದರ ಬಾಲವನ್ನು ಹಿಡಿದು ಹೊರಗೆ ಎಳೆಯಲು ಪ್ರಯತ್ನಿಸುತ್ತಿದ್ದರು

.ತಕ್ಷಣ ದಿನೆಶಣ್ಣ ಅದನ್ನು ಹಾಗೆ ಮಾಡದಿರಲು ಅವರಿಗೆ ಸೂಚಿಸಿದರು,ಏಕೆಂದರೆ ಕಿಂಗ್ ತಲೆ ಕಟ್ಟಿಗೆಗಳ ಒಳಗಿದ್ದ ಕಾರಣ  ಹೊರಗಿನಿಂದ ಬಾಲವನ್ನು ಎಳೆದರೆ ಅದಕ್ಕೆ ಅಪಾಯವಾಗುವ ಸಾಧ್ಯತೆಗಳಿತ್ತು

.ಅಷ್ಟರಲ್ಲಿ ಅಲ್ಲಿಗೆ ಆಗಮಿಸಿದ ಅರಣ್ಯ ಇಲಾಖೆ ಸಿಬ್ಬಂದಿ ಲಿಂಗರಾಜು ರವರು ಪರಿಸ್ಥಿತಿಯನ್ನು ತಮ್ಮ ಹಿಡಿತಕ್ಕೆ ತೆಗೆದುಕೊಂಡರು 

.ನಾವು ಉರಗ ತಜ್ನ್ಯ ಗೌರಿ ಶಂಕರ್ ಅವರಿಗೆ ಕರೆ ಮಾಡಿ ಅವರ ಸಲಹೆಯನ್ನು ಪಡೆದೆವು

.ಗೌರಿ ಅದನ್ನು ಹಿಡಿಸದಂತೆ ನಮಗೆ ಸಲಹೆ ಮಾಡಿದರು,ಅದು  ಸ್ವಲ್ಪ ಹೊತ್ತಿನ ನಂತರ ತಾನಾಗಿಯೇ ಅಲ್ಲಿಂದ ತೆರೆಳುತ್ತದೆ ಅದಕ್ಕೆ ಅದನ್ನು ಹಿಡಿಯದಂತೆ ಸಲಹೆ ಮಾಡಿದರು

.ಈ ವಿಷಯವನ್ನು ಆ ಮನೆಯವರಿಗೆ ತಿಳಿಸಿದೆವು.ಆದರೆ ಅದಕ್ಕೆ ಅವರು ಸುತರಾಂ ಒಪ್ಪಲಿಲ್ಲ,ಪ್ರಕೃತಿ ಸಹಜವಾದ ಭಯ ಮತ್ತು ಆ ಹಾವನ್ನು ಹಿಡಿಸದಿದ್ದರೆ ಅವರ ಮನೆಗೆ ಬರುವ ಕೆಲಸದ ಜನರ ವಿರೋಧ.ಈ ಕಾರಣಗಳಿಗಾಗಿ  ಅವರು ಆ ಹಾವನ್ನು ಹಿಡಿಯುವಂತೆ ಮನವಿ ಮಾಡಿದರು 

.ಕೊನೆಗೆ ಕಿಂಗ್ ನ safety ಹಾಗು ಮನೆಯವರ safety ಯನ್ನು ಗಣನೆಗೆ ತೆಗೆದುಕೊಂಡು ಆ ಹಾವನ್ನು ಹಿಡಿಸಲು ಲಿಂಗರಾಜು ರವರು ಅನುಮತಿ ನೀಡಿದರು 

.ಆದರೆ ಅದನ್ನು ಹಿಡಿಯುವುದು ಅಷ್ಟು ಸುಲಭದ ಮಾತಾಗಿರಲಿಲ್ಲ

.ಕಿಂಗ್ ಕಟ್ಟಿಗೆ ರಾಶಿಯ ಕೆಳೆಗೆ  ಇದ್ದ ಕಾರಣ ಇಡಿ ಕಟ್ಟಿಗೆ ರಾಶಿಯನ್ನು ತೆಗೆಯಲಾಯಿತು

.ಅಂತೂ ಕೊನೆಗೆ ಕಟ್ಟಿಗೆ ರಾಶಿಯ ಕೆಳೆಗೆ ಹೆದರಿ ಕುಳಿತಿದ್ದ ನಮ್ಮ ಕಿಂಗ್ ಅನ್ನು ಜಾನಿಯವರು ಒಂದು ಬಟ್ಟೆಯ ಸಹಾಯದಿಂದ ಹಿಡಿದರು 

.ಹಿಡಿದ ಕಿಂಗ್ ಅನ್ನು ಚೀಲಕ್ಕೆ ತುಂಬಿ ಲಿಂಗರಾಜು ರವರ ಸಮ್ಮುಖದಲ್ಲಿ ಅರಣ್ಯಕ್ಕೆ ಬಿಡಲಾಯಿತು 

.ಕೆಲ ಹೊತ್ತು ಬೇರೆಯ ಲೋಕದಲ್ಲೇ ಇದ್ದ ಕಿಂಗ್ ಚೀಲದಿಂದ ಬಿಟ್ಟ ತಕ್ಷಣ ಒಮ್ಮೆ ಸುತ್ತಲಿನ ಜಾಗವನ್ನು ದಿಟ್ಟಿಸಿ ನೋಡಿ ನಂತರ ಸರ ಸರನೆ ಹೊಸ ಪರಿಸರಕ್ಕೆ ತೆರಳಿದನು 

.ಹೀಗೆ ಕಿಂಗ್ ಅನ್ನು safe ಆಗಿ ಅರಣ್ಯಕ್ಕೆನೋ ಬಿಡಲಾಯಿತು.ಆದರೆ ಪ್ರಶ್ನೆ ಅವನು ಮತ್ತೆ ಮತ್ತ್ಯಾರೋ ಮನೆಗೆ ಹೋಗುವುದಿಲ್ಲವೆಂದು ಗ್ಯಾರಂಟಿ ಏನು?

.ಇತ್ತೀಚಿನ ದಿನಗಳಲ್ಲಿ ಕಿಂಗ್ ಮನುಷ್ಯರು ವಾಸ ಮಾಡುವ ಸ್ಥಳಗಳಲ್ಲಿ ಜಾಸ್ತಿ ಕಾಣಿಸಿಕೊಳ್ಳುತ್ತಿದ್ದಾನೆ

.ಕಿಂಗ್ ಅನ್ನು ನಮ್ಮ ಮನೆಗಳ ಹತ್ತಿರ ಆಹ್ವಾನ ಮಾಡಿದವರು ಯಾರು? ಉತ್ತರ ಸಿಂಪಲ್ ನಾವೇ ಮನುಷ್ಯರು 

.ಹೆಚ್ಚುತ್ತಿರುವ ಬೇಡಿಕೆಗಳಿಗಾಗಿ ಅರಣ್ಯ ನಾಶ ಕಿಂಗ್ ನ ನೆಲೆಯನ್ನೇ ನಾಶ ಮಾಡುತ್ತಿದೆ,ಅದೂ ಅಲ್ಲದೆ ಬಹಳಷ್ಟು  ಕಾರಣಗಳಿಗಾಗಿ  ಇದು ಕಿಂಗ್ ಗೆ ಅರಣ್ಯದಲ್ಲಿ ಅವನ ಊಟದ ಮೆನು ಸಿಗುತ್ತಿಲ್ಲ 

.ಹೀಗಾಗಿಯ ಕಿಂಗ್ ಆಹಾರವನ್ನು ಅರಸುತ್ತ ಮನುಷ್ಯ ವಾಸ ಮಾಡುವ ಸ್ಥಳಗಳಲ್ಲಿ ಪ್ರತ್ಯಕ್ಷನಾಗುತ್ತಿದ್ದಾನೆ

.ಈಗಂತೂ ಮನುಷ್ಯ ವಾಸ ಮಾಡುವ ಸ್ಥಳಗಳಲ್ಲಿ  ಕಿಂಗ್ ಕಾಣುವಿಕೆ ಸಾಮಾನ್ಯವಾಗಿದೆ 

.ನಾನು ಈ ಪೋಸ್ಟ್ ಅನ್ನು ಬರೆದು,ಅದನ್ನು ನೀವು ಓದುವ ಹೊತ್ತಿಗೆ ಮತ್ತೊಂದು ಕರೆ ನಮಗೆ ಬರಬಹುದು 'ಹಲೋ ಸರ್ ನಮ್ಮ ಮನೆಯ ಹತ್ತಿರ ಕಾಳಿಂಗ ಬಂದಿದೆ,ದಯವಿಟ್ಟು ಬೇಗ ಬನ್ನಿ..............  

image courtesy-DINESH.JK

Bookmark and Share

Sunday, September 19, 2010

-KING IN MY HOME-

ತನ್ನ ಬೇಟೆ ಅರಸಿ ಕಾಡಿನಿಂದ ನಾಡಿಗೆ (ನಮ್ಮ ಮನೆಗೆ) ಬಂದ KING-

ತನ್ನ ಪ್ರಿಯವಾದ ಬೇಟೆ RAT SNAKE ಅನ್ನು ಹಿಡಿದು ನುಂಗುತ್ತಿರುವ ಕಿಂಗ್


-ಊಟದ ನಂತರ ತೆರಳುತ್ತಿರುವ KING-

-ಜನರ ಗಲಾಟೆಯಿಂದ ಕುಪಿತಗೊಂಡ KING-
-ಮನಮೋಹಕ ನಮ್ಮ KING-
-ಜನಗಳ ಗಲಾಟೆಯಿಂದ ಬೆದರಿ ಕಾಫೀ ಗಿಡ ಹತ್ತಿದ ನಮ್ಮ KING-
- ಜನರ ಸಹವಾಸ ಬೇಡವೆಂದು ಕಾಫೀ ಗಿಡದಿಂದ ಕೆಳೆಗಿಳಿಯುತ್ತಿರುವ KING-

-ಕಾಫೀ ಗಿಡದಿಂದ ಕೆಳೆಗಿಳಿದ ನಮ್ಮ KING ತನ್ನ ಮುಂದಿನ ಪಯಣಕ್ಕೆ ಹೊರಟನು........

ಹೀಗೆ ನಮ್ಮ KING ಅತ್ಯಂತ ರೋಮಾಂಚನವಾದ ತನ್ನ ಬೇಟೆಯ ವಿಧಾನವನ್ನು ನಮಗೆ ನೋಡುವ ಭಾಗ್ಯವನ್ನು ದೊರೆಕಿಸಿದನು

-THANK YOU KING-

Images courtesy-Vinutesh,Dinesh

Share this post with your friends

Bookmark and Share

Thursday, September 16, 2010

-ಗಂಗಾ-



.ಗಂಗಾ-ಭಾರತದಲ್ಲಿ ಹರಿಯುವ ಅತ್ಯಂತ ದೊಡ್ಡದಾದ ನದಿ

.ಗಂಗಾ ನದಿ ಭಾರತದ ಪವಿತ್ರವಾದ ನದಿಗಳಲ್ಲಿ ಪ್ರಮುಖವಾದುದು

.ಗಂಗಾ ನದಿಯು ಹಿಮಾಲಯದ ಗಂಗೋತ್ರಿಯಲ್ಲಿ ಹುಟ್ಟಿ 1558 ಮೈಲಿಗಳಷ್ಟು (2507 ಕಿ.ಮಿ) ದೂರವನ್ನು ಕ್ರಮಿಸಿ ಬಂಗಾಳ ಕೊಲ್ಲಿಯನ್ನು ಸೇರುತ್ತದೆ

.ಗಂಗಾ ನದಿಯ ಆಳ -52 feet ನಿಂದ 100 feet
.ಗಂಗಾ ನದಿಯು ಭಾರತದ ರಾಷ್ಟ್ರೀಯ ನದಿಯಾಗಿದೆ

.ಹೃಷಿಕೇಶ್ ,ಹರಿದ್ವಾರ,ವಾರಣಾಸಿ,ಪ್ರಯಾಗ ಮುಂತಾದ ಪ್ರಮುಖ ಕ್ಷೇತ್ರಗಳು ಈ ಗಂಗಾ ನದಿಯ ತೀರದಲ್ಲಿವೆ

.ಗಂಗಾ ನದಿಗೆ ಹಲವಾರು ಉಪನದಿಗಳು ಬಂದು ಸೇರುತ್ತವೆ.ಅವುಗಳಲ್ಲಿ ಪ್ರಮುಖವಾದವು Kosi, Son, Gandaki ಮತ್ತು Ghaghra

.ಬಾಂಗ್ಲಾದೇಶವನ್ನು ತಲುಪಿದ ಮೇಲೆ ಅಲ್ಲಿ ಜಮುನ ನದಿಯನ್ನು ಸೇರುವವರೆಗೂ ಗಂಗಾ ನದಿಯ ಪ್ರಮುಖವಾದ ಕವಲನ್ನು ಪದ್ಮ ನದಿ ಯೆಂದು ಕರೆಯುತ್ತಾರೆ

.ಸಾಗರಕ್ಕೆ ಗಂಗಾ ನದಿಯ ನೀರಿನ ಬಿಡುಗಡೆ - 12,015 m³/s

.ಪ್ರಸಿದ್ದವಾದ ಕುಂಬ ಮೇಳದಂತಹ ಆಚರಣೆಗಳು ಈ ನದಿಯ ತೀರದಲ್ಲಿ ನಡೆಯುತ್ತವೆ

.ಗಂಗಾ ನದಿಗೆ ಪ್ರಮುಖವಾಗಿ 2 ಆಣೆಕಟ್ಟುಗಳನ್ನು ಕಟ್ಟಿದ್ದಾರೆ.ಒಂದು ಹರಿದ್ವಾರದ ಬಳಿ,ಮತ್ತೊಂದು Farakka ಎಂಬುವಲ್ಲಿ.

.ಗಂಗಾ ನದಿಯ ಒಟ್ಟು ಜಲಾನಯನ ಪ್ರದೇಶ 907,೦೦೦ km²

.ಉತ್ತರ ಭಾರತದ ಕೃಷಿಯ ಜೀವಾಳು ಈ ಗಂಗಾ ನದಿ


.ಗಂಗಾ ನದಿಯು dolphin ನಂತಹ ಜೀವಿಗಳಿಗೂ ಆವಾಸ ಸ್ಥಾನವಾಗಿದೆ
.ಭಾರತದ ಅರ್ದಕ್ಕಿಂತಲೂ ಹೆಚ್ಚು ಜನರ ಜೀವನವನ್ನು ನಿಯಂತ್ರಿಸುವ ಈ ನಮ್ಮ ಗಂಗೆ ಇಂದಿನ ದಿನಗಳಲ್ಲಿ ಹೆಚ್ಚು ಕಲುಶಿತವಾಗುತ್ತಿದ್ದಾಳೆ

.ಪ್ರಪಂಚದಲ್ಲಿ ಅತ್ಯಂತ ಕಲುಷಿತಗೊಳ್ಳುತ್ತಿರುವ ನದಿಗಳ ಸಾಲಿನಲ್ಲಿ ನಮ್ಮ ಗಂಗಾ ನದಿಯು ಸೇರಿದೆ

.ನದಿ ತೀರದಲ್ಲಿ ಕಾರ್ಖಾನೆಗಳ ಚಟುವಟಿಕೆಗಳಿಂದ ,ಹಾಗು ಪುಣ್ಯ ಕ್ಷೇತ್ರಗಳಲ್ಲಿ ಜನರಿಂದ ಇಂದು ಗಂಗೆಯು ಹೆಚ್ಚು ಕಲುಶಿತವಾಗುತ್ತಿದ್ದಾಳೆ

.ನದಿಯ ಮಾಲಿನ್ಯದ ಪರಿಣಾಮ ಇಂದು ಗಂಗಾ ನದಿ dolphin ಗಳು ವಿನಾಶದ ಅಂಚಿಗೆ ತಲುಪಿವೆ

.ವಿಶ್ವ ಜಾಗತಿಕ ತಾಪಮಾನ ಹೆಚ್ಚಳದ ಕಾರಣ ಇಂದು ಗಂಗಾ ನದಿಯ ಮೂಲ ಸ್ಥಾನ ತನ್ನ ಅಸ್ತಿತ್ವವನ್ನೇ ಕಳೆದುಕೊಳ್ಳುತ್ತಿದೆ

.ಇದು ಹೀಗೆ ಮುಂದುವರಿದರೆ 2035 ರ ಹೊತ್ತಿಗೆ ಗಂಗೆಯು ಇತಿಹಾಸದ ಪುಟಗಳಲ್ಲಿ ಸೇರುವುದರಲ್ಲಿ ಅನುಮಾನವಿಲ್ಲ

.ಸೊರಗಿ ಹೋಗುತ್ತಿರುವ ನಮ್ಮ ಗಂಗೆಯನ್ನು ರಕ್ಷಿಸಬೇಕಾಗಿರುವುದು ಪ್ರತಿಯೊಬ್ಬ ಭಾರತೀಯನ ಕರ್ತವ್ಯವಾಗಿದೆ

.ಗಂಗಾ ನದಿಯ ಮಾಲಿನ್ಯವನ್ನು ನಿಯಂತ್ರಿಸದಿದ್ದರೆ ಮುಂದೆ ಖಂಡಿತ ಬಹು ದೊಡ್ಡ ಅಪಾಯಗಳು ಎದುರಾಗಬಹುದು

.ಗಂಗಾ ನದಿಯನ್ನು ರಕ್ಷಿಸುವ ವಿದಾನಗಳ ಹೆಚ್ಚಿನ ಮಾಹಿತಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
-ಗಂಗಾ ನದಿಯನ್ನು ಉಳಿಸಿ-

Share this post with your friends


Bookmark and Share
-COOL FROG-


Image courtesy-Rajesh.j.s


Share this post with your friends


Bookmark and Share